ISTRUZIONI PER L'USO

Coss 'te disi,coss 'te par,
sta modernità ,ssto lusso,
dove ne porterà?
Xe dificile capir ma,
me da l'impression che
de tuto per complicar i fa.
Per esempio,dove che vado ,vado,...
trovo sempre evoludo,cambià;
ogi se usa dir "computerizado".
Saria utile un picio manual,
a'l'urgenza consultar,
co te devi andar!

Ogigiorno, anca per calar l'aqua,
bisogna ben rifleter,
non aver premura no premer niente!....
non tirar a indovinar!
Anzi ghe vol pazienza per capir
e fantasia per trovar.
Insoma, .... nervi saldi,
calma e gesso!,per ben usar..
Bei i nostri tempi andai;
xe tuto passà
El sistema iera unico e dapertuto,
ovunque, senza sorprese, ...scontado!

Bela la nostra vecia cadenela;
tuto a man, ..tirare... molar!
Semplice, razional e sicuro,
insoma....vivevimo de certeze"
Ogigiorno,bisogna capir inveze,
star coi tempi!
Ma po', co penso ciò,
me vien un dubio:
per mi che vedo,pol anca andar,
ma per chi che no?